Яна ўша савол: қайси заправкаларга газ берилмоқда? Энергетика вазирлигига кўра, бугун Фарғона вилоятида соат 12:00 дан 15:00 гача бўлган вақт оралиғида жамоат транспорти ва коммунал хизмат транспорти учун 22 та, Тошкент вилоятида 14:30 дан 17:30 гача 20 та метан газ қуйиш шохобчаси орқали хизмат кўрсатилган. Вазирлик бугун заправкаларга 2,5 млн.куб етказилганини айтмоқда. Лекин яна айнан қайси заправкаларга ва қачон газ берилаётани ҳақида бирон бир ахборот келтирмаган. Энерговазирликнинг кеча, 25 январь кунига оид ахборотига нисбатан йиғлашниям, кулишниям билмайсан. Водийда 417та заправка фаолият кўрсатганини иддао қилган энергетикларга кўра, шу заправкаларга 81.8 минг куб газ берилган. Яъни битта заправкага ўртача 196 куб газ тарқатилган. Маълумот учун, битта 12 метрли автобусни заправка қилишга камида 200-250 куб газ керак бўлади.