Кеча ҳар уч газзаправкадан бири ишладими? Энергетика вазирлигига ишонилса, кеча 21 февраль куни 407та метан заправка орқали 2 607 минг куб газ тарқатилган. Бу битта заправка ўртача 6,4 минг кубдан газ сотган дегани. Энергетик кризисдан ташқари пайтда Ўзбекистондаги 1200 атрофидаги газ заправка кунига ўртача 12 минг куб атрофида газ сотади. Бу кеча Ўзбекистондаги газ заправкаларнинг камида учдан бири камида ярим кундан ишлади дегани. Вазирлик кеча ишлади дейилган ушбу 407та газ заправка ҳудудлар қирқимидаги локациясини ва ишлаган вақти ҳақидаги маълумотни очиқламаган. Яхши янгилик шуки, бугундан барча метан заправкалар фаолиятига киритилган чекловлар маҳаллий ҳокимликлар билан келишилган ҳолда, аввалдан белгиланган режа-график асосида босқичма-босқич олиб ташланади. Лекин режа-график яна эълон қилингани йўқ.