Газ заправкаларидаги чеклов давом этади Энергетика вазирлигига кўра, кеча ижтимоий соҳа ва жамоат транспорти учун боғлаб берилган 152 та метан заправка 941 минг куб газ етказган. Бир кун аввал, 18 февраль куни 133 та метан заправка 700 минг куб газ берган эди (нормал шароитда газ заправкалар орқали кунига 10-12 млн.куб атрофида газ сотилган). Демак, айни пайтда 1000 га яқин метан заправка ишламаяпти. Аҳоли ва ижтимоий объектларга газ етказиш устуворлиги учун газ заправкаларга нисбатан чеклов сақланиб қолади. Яхши хабарлар ҳам бор. Газлидаги аварияда тўхтаб қолган 10та газ ҳайдаш агрегати ишга туширилган. Ўзбекнефтегаз АЁҚШларга етказаётган бензин 4 180 тоннага етган (ўтган куни 4 баробар кам, 1 126 тонна эди).