Ташқи қарзни парламент бошқаради Олий Мажлис палаталарининг ташқи қарзни бошқариш соҳасидаги ваколатларини кенгайтириш — Давлат бошқаруви ва суд-ҳуқуқ тизимини такомиллаштириш бўйича ислоҳотларнинг асосий йўналишлари бири этиб белгиланган Дастур лойиҳасига кўра, Давлат кафолати остида ташқи қарз олиш масаласини ҳал этиш Ҳукуматдан Олий Мажлис палаталарига ўтказилиб, бу йўналишда парламент назорати кучайтирилиш вазифаси қўйилмоқда. Ижро учун белгиланган муддат 2026 йил 1 март. Ҳозирча, Парламент Ўзбекистон Республикаси номидан ва Ўзбекистон Республикасининг кафолати остида олинадиган давлат қарзининг ва давлат-хусусий шериклик лойиҳаларининг чекланган ҳажмини белгилайди. Қонунга кўра, давлат томонидан маблағ жалб қилиш ҳисобидан молиялаштирилаётган тегишли лойиҳалар ҳақидаги ва якунланган лойиҳалар бўйича ўзлаштирилган маблағлар, шунингдек эришилган натижалар тўғрисидаги ахборот ҳар чоракда, ҳисобот чорагидан кейинги иккинчи ойнинг 25 санасига қадар мажбурий тартибда эълон қилиб бориши керак. Лекин амалда мазкур ҳисобдорлик ишламайди.