Коррекция ҳафтаси Ўтган ҳафтанинг жумасида бошланган коррекция ҳали тўхтагани йўқ. Олтин 5 600лик максимумлардан бугун тонгда 4 600гача тушган бўлса, кумуш унцияси 123 доллардан 75 долларгача қулади. Олтин, кумуш ва бошқа рангли металларнинг январдаги тарихий раллиси ўтган ҳафтада хос ахборотлар (Гренландия можароси, Эронга ҳужум эҳтимоли, ЕИга божлар) фонида яққол спекулятив босқичга ўтган эди. Хусусан, олтин бўйича нарх шишиб кетганини кўрсатувчи RSI индекси 90дан ошиб кетганди. Жума куни коррекция арафасида (балки уни кучайтирган) бозор яна муҳим ишора олди. Президент Трамп Федерал захира раҳбарлигига Кевин Уорш номзодини тақдим этди. Уорш 2006 йилдан 2011 йилгача Федерал захира бошқарувчилар Кенгашига кирган. Бу маъмуриятида иқтисодий маслаҳатчи бўлган. Уорш оммага инфляцияга қарши қатъий позицияси ва монетар интизомнинг тарафдори ўлароқ танилган. Федерал захира раислигига номзодни доллар мустаҳканиш, криптоактивлар (Уорш криптоактивларнинг барқарор тўлов воситаси эканлигига шубҳа билан қарайди) эса қулаши билан кутиб олди.