Ижарачилар реестри тузилади ва ижара муносабатлари назорати кучайтирилади Давлат дастурида белгиланган мазкур вазифага RentMi платформаси ҳам эътибор қаратган. Дастурга кўра: Профилактика ишларини олдиндан режалаштириш; ноқонуний ижара ва солиқдан қочиш ҳолатларининг олдини олиш; хавфсизликка оид чора-тадбирларни белгилаш мақсадида кўп қаватли уйлар бўйича ижара асосида яшовчилар реестрини “маҳалла еттилиги”нинг бошқа вакиллари томонидан ҳам юритиш; ижара шартномаси тузилишини таъминлаш ҳамда ijara.uz ва soliq.uz маълумотларини маҳалла раиси/профилактика инспектори платформасига интеграция қилиш бўйича таклифларни ишлаб чиқиш вазифалари қўйилган. Таъкиддаш лозимки, мазкур талаблар Дастур лойиҳасида йўқ эди.