Электромобилли тўқларга навбатдаги субсидия қанчага тушади? Газлашмаган хонадонлар учун электр энергиясига 50%лик чегирма масаласида қарор қабул қилиш 2 йилдан бери вазирликлар ўртасида “отангга-бор, онангга бор” қабилида чўзиб келинади. Ҳатто бунга қўшимча бюджет сарфи талаб қилинмаса ҳам. Лекин электромобилларни қувватлаш станцияларидан фойдаланувчиларни бюджетдан субсидиялаш ташаббуси битта уринишда Дастурга киритиб, тасдиқланиб олинди. Энди 1 майдан бошлаб электромобилларни қувватлаш станцияларида 1 кВт.соат электр энергияси нархининг 300 сўмдан ошган қисми давлат бюджетидан қоплаб берилади. Қувватлаш станцияларида тарифлар камида 2 500 сўмни ташкил этиши инобатга олинса, умумий субсидиялаш триллионлаб сўмни ташкил этиши мумкин. Балки корчалонлар лоббиси билан бюджетга ими-жимида ўзгартиришлар ҳам киритиб юборишар. Эътиборлиси, тўқларни субсидиялашни илгари сураётганлар қувватлаш станцияларида субсидияланадиган тарифларнинг юқори чегарасини ҳам белгилашмаган. Бўлса бўлсин, бойларга бўлсин!