Ўзбекистонда ўқитувчилар ҳақида кино олинса, Оскар олармиди? Ўзбекистонда ўқитувчиларнинг устидан хўжайин шунчалар кўпки, ўқитувчиларга юкланадиган ихтиёрий-мажбурий ишлар ва йиғди-йиғдилар бу кетишда ҳеч қачон тугамайди, обуна ўтиб, яшил макон тугаса, рўйхатга олиш бошланади, рўйхатга олиш тугаши билан опенбюджет турипти... Ўқитувчилар ҳақида фильм олинса, фильм албатта таълим ҳақида бўлмайди, лекин бир неча мавсумли сериалга айланади. Масаллиқ ва жонли сюжет ҳам ҳар куни бор, мана яна бири: “Хабарларингиз бор, бизга 5 та камбағал оила тушган эди. Бизга тушган оила Қуштепа маҳалласидан экан. Ҳозир менга ҳоким ўринбосари Анвар Ражабов телефон қилди. Эртага эрталаб соат 9:00 гача 1 млн пулни ҳокимиятга олиб бориб беришимиз керак экан”. Дарвоқе, Россияда мактаб ўқитувчилари аслида нима ишлар билан машғуллиги ва нималарга мажбурий жалб қилиниши ҳақида олинган “Господин Никто против путина” фильми Оскарга номинация қилинипти (ва аллақачон 9та фестивалда ғолиб бўлган).