Ўзбекистонликлар учун визасиз давлатлар сони 50тага етказилади Ҳозирда Ўзбекистон фуқаролари 34 та давлатга визасиз, 42 та мамлакатга эса соддалаштирилган тартибда (visa on arrival ва e-visa) кира олади. Тасдиқланган Стратегия бўйича 2030 йилгача Ўзбекистонликлар визасиз кириш мумкин бўлган давлатлар сони 50тага (+16), соддалаштирилган тартибда кириши мумкин давлатлар сони 60тага (+18) етказилиши керак. Хусусан, 2026 йилнинг ўзида ТИВ 2та давлат билан визасиз, 3та давлат билан соддалаштирилган виза тартибини йўлга қўйиши вазифаси белгиланган. Агар бу режалар амалга ошса, ўзбек паспорти камида Марказий Осиёда энг қудратлига айланади. Ҳозирча Қозоғистондан анча ортдамиз (қозоқ қардошлар яна Сингапур ва Буюк Британияда визасиз транзит ҳуқуқидан ҳам фойдаланишади), Қирғизистонга 2025 йилда етиб олдик.