“Камида 3та давлат билан ID-карталар асосида фуқароларнинг чегараларни эркин ўтиши” нима бўлади? Лойиҳада белгиланган вазифага кўра 2026 йилда иккита, 2027 йилда битта давлат билан фақат ID-карта билан кесиб ўтиш тартиби жорий қилиниши керак эди. Афсуски, Стратегиянинг тасдиқланган версиясида ушбу вазифа тушириб қолдирилган. Ўзбекистон фуқаролари учун Қозоғистон ва Тожикистон чегарасини ID карта орқали кесиб ўтиш тартибини жорий этиш 2024 йилдан бери режалаштирилади. Лекин бу мақсад ҳалигача амалга ошмай турипти. Ўтган 2025 йилда қардош Озарбайжон билан ҳам ID-карта орқали ўзаро тан олиш масаласини муҳокама этилганди. Мазкур вазифа ҳатто Президент фармонига ҳам киритилганди (ижрога 3 ой муддат берилган, лекин бажарилмаган). Ҳозирда Ўзбекистон фуқаролари учун ID-карта орқали ҳаракатланиш фақат Қирғизистон билан мумкин.