​Имтиёзли ва тижорий кредитлар ўртасидаги улкан фарқ сақланиб қолмоқда Январда миллий валютадаги кредитларнинг ўртача тортилган ставкаси 22,84%га (+0,18%) етган. Чакана кредитлар 22,11%гача (+0,11%), корпоратив кредитлар 23,35%гача(+0,32%) қимматлаган. Марказий банкка кўра, январь ойида имтиёзли кредитларнинг ўртача ставкаси 11,6%ни ташкил этган ва тижорий кредитлар билан деярли икки карра фарқ сақланиб қолмоқда. Агар тижорий кредитлар ўлароқ микроқарз ва кредит карталар ҳам инобатга олинса, фарқ янада кескинроқ кўринган бўларди.