Кредитлар фоиз ставкалари февралда ошишда давом этган Февраль ойи якунлари бўйича миллий валютадаги кредитларнинг ўртача фоиз ставкаси 22,4%га (+0,1%) етган. Бунда чакана кредитлар нархи бироз арзонлашиб, 22,8% (-0,2%)ни ташкил этган бўлса, корпоратив кредитлар 21,9%гача (+0,4%) қимматлашган. Депозитларнинг чакана қисми ўртача фоизлари 20,5% даражасида ўзгаришсиз қолган. Корпоратив депозитлар бироз 16,6%гача (-0,1%) арзонлашган.