"4-мис бойитиш фабрикаси қурилиши қийматини 2 млрд долларгача тушириш мумкин" Давлат раҳбари 4-мис бойитиш фабрикаси қурилиши қийматини 2 млрд долларгача тушириш мумкинлигини таъкидлаган. Бу жуда тўғри фикр, бемалол эришиш мумкин бўлган мақсадли кўрсаткич ва энг асосийси, 4- фабрика Ўзбекистон халқи манфаатларига ишлаши учун айнан шундай қилиниши ҳам керак. Аввалги йилги ҳужжатларда 5,3 млрд.долларгача шишириб киритилган 4- фабрикани қандай арзонлаштирса бўлади? Лойиҳа қийматини фақат очиқ, шаффоф ва халқаро тендер билан тушириш мумкин. Айниқса, лойиҳа мегалойиҳа бўлса. Агар 3- фабрика қурилишида ҳам очиқ тендер ўтказилганида, унинг нархи ҳам шишмаган ва кечикмаган, катта эҳтимол, 4- фабрика учун тўғри ориентир бўлиб хизмат қилган бўларди.