Бозорда рақобатнинг қайтиши: янги Makro ҳақида Бозор иқтисодиётининг энг гўзал жиҳати — бу рақобат. Рақобат бор жойда сифат ўсади, нархлар тизгинланади ва пировард натижада истеъмолчи ютади. Бир пайтлар ритейл бозорининг асосий драйверларидан бўлган Makro тармоғининг янгиланиш ва катта иштиёқ билан бозорга қайтаётгани — бу шунчаки корпоратив янгилик эмас, балки иқтисодий жиҳатдан жуда ижобий сигнал. Яқин вақтда тармоқ Учхоз (Янги Ўзбекистон), Найманча (Фарғона), Юнусобод ва Тўйтепа каби ҳудудларда камида 5 та янги филиал очилиши режалаштирилганлиги айтилмоқда. Ребрендинг, янги филиалларнинг кетма-кет очилиши ва дўконларнинг тантанали иш бошлаши — булар шунчаки визуал ўзгариш эмас. Бу — компаниянинг кенгайиш ва бозордаги ўз улушини тиклаш борасидаги жиддий амбицияларидан далолат беради ва бу бошқа ўйинчиларни ҳам сергак тортишга мажбур қилади. Шунингдек бу — мижознинг вақтини тежаш ва сервис сифатини мутлақо янги босқичга олиб чиқишга бўлган реал ҳаракат. Бизга айнан мана шунақа — сифатли таклиф бера оладиган ва рақобатбардош ўйинчилар кўп бўлиши керак. Эртага, 17 апрель куни соат 11:00 да Талабалар кўчасидаги (Вузгородок) янгиланган филиалнинг очилиши экан. Имкони борлар бориб кўриши, ўзгаришларни ўз кўзи билан баҳолаши мумкин. Манзил: Тошкент шаҳри, Талабалар кўчаси 25