​Омонатлар қайга кўчмоқда? Март ойида жами депозитлар қолдиғи 12,1 трлн.сўмга ўсган ва 1 апрель ҳолатига 433,9 трлн.сўмни ташкил этган. Ой давомида аҳоли омонатлари қолдиғи камтаргина 2,1 трлн.сўмга, корпоратив депозитлар қолдиғи эса 10,0 трлн.сўмга кўпайган. Ой давомида энг кўп депозитларни Миллий банк (+3,4 трлн.сўм), Ипотекабанк (+1,6 трлн.сўм) ва Тенгебанк (+1,2 трлн.сўм) жамғарган. Омонатлар жалб қилишда хусусий банкларнинг фаоллиги пасайиб, давлат банклари фаоллиги ошиб бормоқда. Март ойида яна Агробанк (+606 млрд.сўм), Ўзсаноатқурилишбанк (+447 млрд.сўм) ва Миллий банк (+412 млрд.сўм) энг кўп омонат қолдиғини ўстира олган. Айни пайтда 8та хусусий банкда, улар орасида омонатлар бозорининг асосий ўйинчилари ҳам бор, омонатлар қолдиғини қисқартиришган. Агар шу тенденция давом этса, ёз ойларига бориб, давлат банклари омонатлар бозорининг мутлақ етакчиларига айланишади.