Халқона мужда: картага нақд пул киритиш учун комиссиялар бекор қилиниши мумкин Ўзбекистонда картага нақд пул кирим қилишда ундириладиган комиссиялар бекор қилиниши мумкин. Spot’нинг ёзишича, бу ҳақда 7 май куни бўлиб ўтган брифингда Бизнес-омбудсман ахборот хизмати маълум қилган. Ёзилишича, аҳоли томонидан банк карталарини нақд пул билан тўлдиришда юқори комиссиялар ундирилаётганлиги юзасидан мурожаатлар кўпайган. Шундан келиб чиқиб, картага нақд пул киритиш ҳамда шахсий карталар ўртасидаги ўтказмалар учун комиссияларни бекор қилиш таклиф этилган. Нақдсиз тўловларни рағбатлантириш учун карталарга нақд пул киритишда комиссияларни ноллаштириш аҳамияти ва муҳимлиги аввал ҳам кўп муҳокама этилган эди.