​Ипотека яна фаоллашмоқда Кечиктириб, июнь ойига келиб тақдим этилган апрель ойи маълумотларига кўра (маълумотларнинг тасдиқланган календардан кеч берилиши уларнинг бозор иштирокчилари учун ва умуман таъсир актуаллигини пасайтиради), кредит қўйилмалари қолдиғи 5,7 трлн.сўмга ўсиб, 629,0 трлн.сўмга етган. Бундан чакана кредитлар қолдиғи 3,7 трлн.сўмга, корпоратив кредитлар 2,0 трлн.сўмга кўпайган. Ипотека яна асосий чакана кредит маҳсулотига айланган (+1,7 трлн.сўм). Чакана микрокредитлар ажратиш фаоллиги ҳам юқорилигича қолмоқда (+1,1 трлн.сўм). Юридик шахсларга ҳам микрокредитлар энг кўп молиялаштирилаётган маҳсулот бўлиб қолган (+2,0 трлн.сўм). Кредитлашда Агробанк (+2,5 трлн.сўм), Халқ банки (+1,1 трлн.сўм) ва Ҳамкорбанк (+1,1 трлн.сўм) жуда фаол бўлган. 1- чорак якуни билан "чиройли қилиб камайтирилган" муаммоли кредитлар яна кескин, 2,1 трлн.сўмгача ўсган ва қолдиғи 21,9 трлн.сўмга, NPL улуши 0,3 фоиз бандга ўсиб, 3,5%га етган. Муаммоли кредитларнинг энг кўп ўсиши Миллий банк (+485 млрд.сўм), Капиталбанк (+439 млрд.сўм) ва Агробанкда (+351 млрд.сўм) қайд этилган. Улушда энг мураккаб аҳвол Мадад инвест банкда. Мазкур банкда муаммоли кредитлар бирдан 286 млрд.сўмга ўсиб, портфелнинг 50,8%ига етган.