​Уй-жой ва автомобиль бозоридаги сотувлар димланишда давом этмоқда Май ойида эскроу ҳисобварақлар орқали жами 12 439та уй-жой олди-сотди битимлари амалга оширилган (апрелда 12 79та). Солиштириш учун 2025 йил май ойида уй-жой олди-сотди шартномалари сони 22 минг атрофида бўлган. Эскроу ҳисобварақлари орқали (банк ва нотариус орқали) сотилган автомобиллар сони ҳам апрелдаги 18 960 донадан майда 16 584 донагача қисқарган. Эскроу орқали уй-жой олди-сотдиси битимларининг қисқариши асосий бозор Тошкент шаҳри мисолида ҳам яққол кўринади (апрелда 9 177, майда 8 575). Битимлар сонининг қисқаришида май ойида байрам дам олиш кунлари кўп бўлгани (14 кун) омили ҳам ўз ўрнига эга бўлган бўлиши мумкин. Регуляторимиз эскроу орқали ўтаётган битимларнинг ўртача ва медиана қийматлари тўғрисида ҳам маълумот бериб борса бўларди (ҳудудлар қирқимида). Бу бозорнинг оқартириш вазифаси қанчалар амал ошаётганини ҳам кўришга ёрдам беради.