Кўчмас мулк ва мошин бозори июнда сал қимирлаган, лекин сустлигича қолмоқда Июнь ойида эскроу ҳисобварақлари орқали жами 15 416 та кўчмас мулк ва 19 241 та транспорт воситалари сотилган. Бу сотувлар кескин қуйига инган апрель (1, 2) ва май ойларига нисбатан ўсиш бошланганини кўрсатади. Айни пайтда ўтган йилнинг июнь ойи билан солиштирганда сотувлар сони жуда пастлигича қолмоқда. 2025 йилнинг июнида 21 мингта кўчмас мулк олди-сотди битимлари рўйхатдан ўтказилган, иккиламчи бозорда эса 52 минг донадан ортиқ автомобиль сотилган. Автомобиллар мисолида сотув орқали расмийлаштириш (рақам, техпаспорт, рўйхатдан ўтқазиш) кескин қимматлагани ортидан ишончнома орқали битимни амалга ошириш кескин кўпайгани айтилмоқда (лекин расмий рақамлар йўқ).