Автомобиль савдоси эса каррасига қисқарган Эскроу ҳисобварақлари орқали (банк ва нотариус орқали) сотилган автомобиллар сони апрелда каррасига қисқарган ва 19 660 донани ташкил этган. Солиштириш учун, март ойида иккиламчи бозорда (нотариус орқали) 47,5 минг автомобиль сотилган эди. 2025 йил апрелда эса иккиламчи бозорда 52,0 минг автомобиль сотилган. Кўчмас мулк олди-сотдисида бўлгани сингари эскроу ҳисобварақлар орқали битимларда ҳам нарх шаклланиши формал кўриниш олган, яъни томонлар шартномада жуда кичик ва ҳатто кулгули суммаларни кўрсатишлари кузатилмоқда (автомобиль мисолида бу ҳеч қандай солиқ оқибати яратмайди). Автомобиль олди-сотдиси битимлари кескин қисқарганига 1 апрелдан битимни расмийлаштириш якуний харажатлари ошгани ҳам таъсир кўрсатган ва бу олди-сотди ўрнига бош ишончнома бериш шаклини яна оммалаштира бошлаган.