​Қишлоқларда ҳаммаси "жойида" Ҳа, фертилликнинг пасайиши қишлоқларга ҳам етиб борган. Лекин шаҳарларчаликмас. 2025 йилда қишлоқларимизда фертиллик даражаси 0,03га пасайган (3,47дан 3,44 гача). 6та ҳудуд қишлоқларида (Бухоро, Қашқадарё, Сурхондарё, Сирдарё, Фарғона ва Хоразм) фертилликнинг ўсиши давом этган. Ўзи умуман, 5та ҳудудимизнинг қишлоқ жойларида фертилликнинг ўсиши 2017 йилдан бери узлуксиз давом этмоқда. Бу борада Фарғона вилояти мутлақ чемпион. Ҳар бир аёлга тўғри келадиган туғилиш деярли 4га етган. Бошқача айтганда, қишлоқларда 2017-2023 йилларда фертилликнинг бир маромда ўсиши юз берган бўлса, пасайиш ҳам жуда секин кечмоқда. Шаҳарлардаги каби кескин аномаллик кузатилмаган.