Қурилиши тугалланмаган уйлар: Инвестициявий хавфлар ва ҳуқуқий масъулият ҳақида Котлован босқичида ёки қурилиши тугалланмаган лойиҳалардан уй сотиб олиш бозорда оммабоп тренд бўлиб қолмоқда. Бироқ бу жараёнда оддий бир ҳақиқатни англаш муҳим: чала битган oбъектдан квартира олаётганда, сиз шунчаки харидор эмас, балки қурилиш лойиҳасига кираётган инвесторсиз. Бу эса ўз-ўзидан маълум даражадаги молиявий рискларни келтириб чиқаради. Қурилиш вазирлиги эълон қилган видеода бу борада барча эътибор қаратиши лозим бўлган учта асосий жиҳат тилга олинган: — Рекламага кўр-кўрона ишонмаслик. Рендерлардаги гўзал лойиҳалар билан реал қурилиш жараёни ўртасида тафовут бўлиши мумкин. Шу сабабли, маблағ тикишдан олдин обектнинг жойига бориб, ҳақиқий ҳолатни ўрганиш тавсия этилади. — Шартномани синчиклаб ўқиш. Қурилиш компанияси билан тузилаётган шартноманинг ҳар бир бандини, айниқса тўлов тартиби, oбъектни топшириш муддатлари ва мажбуриятлар бажарилмаган тақдирдаги жавобгарликни ҳуқуқий жиҳатдан пухта текшириш зарур. — Қурувчининг тарихи ва ҳужжатлари. Компаниянинг тажрибаси ва молиявий барқарорлигини ўрганиш билан бирга, қурилиш oбъектига ўрнатлган QR-кодни сканер қилиш орқали барча рухсат берувчи ҳужжатлар билан танишиб чиқиш шарт.