Стартаплар учун 6 млн доллар – бу хазил эмас Ўзбекистонда технологик ва AI-лойиҳалар учун икки Президент танловига аризалар қабул қилинмоқда. President Tech Award фонди — 5 млн доллар: — «Инкубация» — ишчи прототипга эга жамоалар учун, 25та ғолиб учун 40 минг долларлик грант; — «Акселерация» — биринчи сотувга эга стартаплар учун, 15та ғолиб учун 100 минг долларгача инвестиция; — «Энг яхши стартап лойиҳаси» — инвестиция жалб қилишга тайёр стартаплар учун – жами 30 та жамоага 2,5 миллион доллар инвестиция. Аризалар қабул қилиниши: — «Инкубация» ва «Акселерация» — 10 августгача; — «Энг яхши стартап лойиҳаси» — 31 августгача. President AI Award эса илк бор фақат суньий интеллект лойиҳалари учун ташкил этилди. Умумий инвестиция фонди 1 млн долларга етади. Дедлайни: President AI Award — 1 августгача; Менимча, энг муҳим жиҳати — маблағ қуруқ ғояга эмас, уни амалда маҳсулотга айлантираётган жамоаларга берилади. Чунки маҳаллий стартаплар учун асосий муаммо кўпинча ғоя эмас, уни ривожлантириш учун ресурс етишмаслигидир. Ариза топшириш бепул: awards.gov.uz Реклама