​"Ҳалол насия" реклама қилинса, унинг реал қиймати кўрсатилади! Давлат раҳбари имзолаган халқпарвар ҳужжатнинг яна бир эътиборли жиҳати айнан шу — молиявий хизматлар олаётган содда ва самимий ватандошларимизнинг ҳақларини ва хабардорлигини таъминлаш билан боғлиқ. Демак, энди жисмоний шахсларга мўлжалланган кредит, муддатли тўлов, насия савдога оид ҳар қандай рекламада товарнинг (ишнинг, хизматнинг) жорий қимайтига нисбатан қанча сумма қўшиб тўлаш кераклиги, якуни қиймати қанча бўлиши хусусидаги маълумотлар бўлиши шарт. Бундай талаблар акс этган ҳужжат лойиҳасини Рақобат қўмитаси ва Марказий банк 2026 йил 1 сентябргача Ҳукуматга киритиши лозим бўлади. Содда тилга кўчирсак, айтайлик, 10 млн.сўмлик телефонни ойига 1 млн. сўмдан ҳалол насияга олиш мумкинлиги реклама қилинаётганда телефон истеъмолчига 30 миллион сўмга тушишини кўрсатиши шарт! Худди шунақа талаблар ипотека бўйича, автокредит бўйича, бошқа бўлиб тўлаш воситалари бўйича ҳам амал қилиши керак.