Гап ҳозирча рекламада реал қийматни кўрсатиш ҳақида кетмоқда холос Албатта, “насия савдо”нинг тўлиқ қиймати очиқланиши керак (фоизда ҳам, суммада ҳам). Беҳзод Ҳошимов ҳам, Ботир Қобилов ҳам кўндаланг қўяётган ва эркин бозорли мамлакатларда истеъмолчиларга тўлиқ ахборотни очиш билан боғлиқ талабларга барибир етиб боришимиз даркор. Лекин ҳозирча гап шунчаки рекламада якуний қийматни кўрсатиш ҳақида кетмоқда холос (уям қачон тайёр бўлиши ва кучга кириши номаълум). Насия савдога оид битим тузиш (сотиб олиш) пайтида тўлиқ қийматни (ёки реал фоизини) кўрсатиш ва очиқлаш талабини киритиш кун тартибига кўчгани йўқ (насия савдо лоббиси ҳалигача қудратли жуда). Кредит (қарз)нинг тўлиқ қийматини кўрсатиш мажбурияти ҳозирча фақат банклар учун мажбурий холос.