HUMO халқаро ҳамкорликни кенгайтирмоқда: UnionPay ва Agrobank билан ҳамкорликда кобейжинг карта ишга туширилди Халқаро туризм, бизнес ва электрон тижоратнинг ривожланиши билан фойдаланувчиларга мамлакат ичида ҳам, унинг ташқарисида ҳам ишлайдиган тўлов ечимларига эҳтиёж ортиб бормоқда. HUMO, UnionPay International ва Agrobank ҳамкорлигида ишга туширилган янги UnionPay–HUMO кобейжинг картаси айнан шундай имкониятни тақдим этади. Ўзбекистонда карта HUMO тармоғида ишлайди, хорижда эса UnionPay фаолият юритадиган 180 дан ортиқ мамлакат ва ҳудудларда қабул қилинади. Харидлар, онлайн тўловлар, контактсиз тўловлар ва нақд пул ечиб олиш – барчаси битта карта орқали амалга оширилади. Мазкур лойиҳа HUMO’нинг трансчегаравий тўловларни ривожлантириш, технологияларни жорий этиш ва миллий тўлов тизими имкониятларини кенгайтиришга қаратилган ташаббусларини давом эттиради. Карталарни чиқариш Agrobank’да 2026 йил август ойининг ўрталарида бошланади. Батафсил Реклама