Навбат каррасига қимматлаштирилган счетчикларгами? "Ҳудудгазтаъминот” АЖ ва “Texnopark” МЧЖнинг масъул шахслари ва бошқалар ўзаро тил бириктириб, гўёки электрон газ ҳисоблагичларига техник хизмат кўрсатиш мақсадида 19 млрд сўмлик бюджет маблағларини ўзлаштириш ёки растрата қилиш йўли билан талон-торож қилганликлари аниқланган. Энергетика вазирлиги юзмингдан ортиқ газ счетчиклар онлайн маълумот узатмаётганини (ақлли эмаслиги) тан олиши ўз йўлига дейиш мумкиндир, лекин 300 мингта газ счетчик ўзининг асосий вазифасини бажармаётгани бўйича энг юқори минбардан айтилган танқиддан кейин амалий ҳаракатлар юз бериши турган гап эди. Балки энди орадан 4 йил ўтиб, каррасига қимматлаштирилган счетчиклар бўйича ҳам жиддий ўрганишлар бошланса керак.