Грузия, Ироқ ва бошқа давлатлардан авиакеросин импорт қилиш йўлга қўйилган Бугунги катта йиғилишда июль-декабрь ойларида авиакеросинга бўлган талаб 375 минг тоннани ташкил этиши, яъни ўтган йилнинг мос даврига нисбатан 27 фоизга ўсиши кутилаётгани айтилган. Қайд этилишича, унинг асосий қисми маҳаллий нефтни қайта ишлаш заводлари ҳисобидан қопланади. Шу билан бирга, айрим ҳамкор мамлакатларда нефть маҳсулотлари экспортига чекловлар жорий этилгани сабабли муқобил манбалардан, жумладан, Грузия, Ироқ ва бошқа давлатлардан авиакеросин импорт қилиш йўлга қўйилгани қайд этилган. Маълумот учун, авиакеросин ишлаб чиқариш статистикаси алоҳида очиқланмайди (Божхоначиларнинг импорт кўрсаткичларида умумий керосин импорти кўрсатилади, июнь ойида керосин импорти қарийб 9 карра қисқарган). 4 млрд.долларга тушган Uzbekistan GTL заводи Ўзбекистоннинг авиакеросин (шунингдек, дизель ва пропан) импортига барҳам бериши керак эди. Худди шундай вазифалар модернизациялаш шартларида Saneg'га топширилган Фарғона нефтни қайта ишлаш заводи бўйича ҳам қўйилган ва улкан режалар белгиланган эди.