​4 млрд.долларлик GTL заводи бор Ўзбекистон дизель ва керосин импортини каррасига оширмоқда Янги Ўзбекистон тарихидаги ҳозирча энг қиммат ёлғонлардан бири шундай ёзилган: “GTL заводи туфайли Ўзбекистон авиакеросин ва дизел ёқилғиси импортидан воз кечади”. Нархи 4 млрд.долларгача шиширилган завод ишга тушгач, дизель ва керосин ишлаб чиқариш ортиш ўрнига, фақат камаймоқда. Ваъда қилинган йиллик қувват - 724 минг тонна дизель, 307 минг тонна керосин қани, деб биров сўрагани, тафтиш қилгани йўқ. Ким кимдан сўрайди, ким кимни тафтиш қилади? Энергоустоз энергошогирдлариними ё энергошогирдлар энергоустозлариними? Қайтанга Ўзбекистоннинг дизель ва керосин бўйича импортга қарамлиги йилдан-йилга кучаймоқда. Балки бу аввалдан режалаштирилган ҳам 4 млрд.ни ўзлаштириш, ҳам энергетик диверсия, ҳам шимолга қарам қилиш махсус операцияси бўлгандир? Хуллас, 2025 йилнинг дастлабки 4 ойида дизель импорти 2,5 карра, керосин импорти 4,2 карра ошган. Дизель тоннаси ўртача 739 доллардан, керосин 892 доллардан импорт бўлаяпти.