​Омонатлар бўйича фоизлар 5 йил-у 3 ойлик минимумларгача пасайган Июнь якунлари билан жами муддатли депозитлар бўйича ўртача тортилган ставка 17,6%ни (+0,5%) ташкил этган. Бунда корпоратив депозитлар нархи 15,3%дан (+0,1%) иборат бўлган. Аҳоли омонатлари бўйича ставкалар эса 19,2%гача (-0,5%) пасайган. Бундан паст нархлар 2021 йил март ойида қайд этилган эди. Амалда, омонатлар бўйича ставкалар, пандемия давридаги сакрашларни ҳисобга олмаса, 2019 йил кўрсаткичларига қайтган. Очиқ бозорда, июнь ойида энг юқори ставкалар 21% билан чекланган эди, июлдаги банкларнинг максимум таклифлари эса 20%ни ташкил этган.