​Омонатлар бўйича ставкалар 2021 йил кўрсаткичиларигача пасайган 11 июнга келиб эълон қилинган апрель ойи кўрсаткичларига кўра, миллий валютадаги депозитларнинг ўртача тортилган ставкаси 17,4% (-0,7%)гача пасайган (2022 йил январдан бери минимум). Бунда корпоратив депозитлар бўйича ставка 15,0%гача (-0,5%) пасайган бўлса (2021 йил ноябрдан бери минимум), аҳоли омонатлари бўйича ставка 19,9%гача (-0,6%) тушган. Бундан пастроқ ставкалар 2021 йил октябрда қайд этилган. Номинал ставкалар пасайиб бораётганига қарамай, инфляция ҳам секинлашаётгани ҳисобига реал ставкалар омонатлар бўйича 8%дан, корпоратив депозитлар бўйича эса 4%дан юқори сақланмоқда.