Медиана пенсия қандай ўзгарган? Статқўм 2016-2025 йиллар оралиғида ўртача пенсия миқдори қандай ўзгарганига оид маълумот билан бўлишмоқда. Унга кўра, охирги 10 йилда Ўзбекистонда ўртача пенсия миқдори 3,3 карра ошган ва 2025 йилда ўртача 1,6 млн.сўмга етган. Ўртача пенсиянинг энг юқори суръатда ўсиши 2024 йилда қайд этилган, кейин суръатда кескин пасайиш рўй берган. Ўзбекистонда пенсия тўловларида айрим тоифа ва соҳалар учун кескин фарқликлар мавжуд. Кенг пенсионерлар қатлами асосан қуйи базага яқин миқдорда пенсия олади. Шунинг учун ўртача пенсия билан бир қаторда, пенсия медианаси ҳам тақдим этилиши керак. Шунда картина адолатлироқ кўринади.