Янги даврда пенсионерларнинг ўртача пенсия миқдори реал кўрсаткичларда 21,3 фоизга ошган Миркомил Холбоев охирги ўн йилда ўртача пенсия миқдорининг номинал кўрсаткичларини инфляцияга корректировка қилиб, ўртача пенсиянинг реал ўсиши суръатини ҳисоблаган: “2017-2020 йилларда ўртача пенсия даражаси нархлар ўсишидан секинроқ ўсган (йиллар кесимида ўсиш турлича, масалан 2019 йилда пенсиялар инфляциядан тезроқ ўсган, лекин мазкур давр (3 йил) учун умумий ўсиш инфляциядан пастроқ бўлган). Бу эса мазкур даврда пенсионерларнинг реал даромадлари қисқарганлигини кўрсатади. 2021-2022 йилларда эса ўртача пенсия миқдори ҳамда инфляция даражаси деярли бир хил суръатда ўсган (пенсиялар бироз тезроқ). 2023 йилдан бошлаб эса ўртача пенсия миқдори инфляциядан сезиларли тез ўсишни бошлаган. Бу  ўз навбатида юқори иқтисодий ўсиш ҳамда инфляциянинг сезиларли секинлашганлиги билан изоҳланади.  Сўнгги 9 йилнинг уч йилида пенсиялар миқдори  инфляциядан кўра секинроқ ўсган (энг йирик фарқ 2017 йилда). Умумий давр давомида пенсионерларнинг ўртача пенсия миқдори  реал кўрсаткичларда 21,3 фоизга ошган”.