10,5 ойдан буён пенсиялар индексация қилингани йўқ Дарвоқе, пенсинерларни ижтимоий қўлламоқчи бўлаётганларга эслатма: охирги марта пенсия тўловлари 2022 йил 1 майда индексация қилинганди. Шундан буён 10,5 ой вақт ўтди. Ўтган даврда ошхўр ва зарбоп тўн ишқибози бўлган "бўрдоқи хорижлик экспертлардан" бошқа ҳеч ким ишонмайдиган расмий инфляция ҳам йиғма равишда 9,0%дан ошди. Пенсионерларнинг асосий ҳаражати бўлган озиқ овқат инфляцияси расман 12%дан кўпга етди. Лекин пенсия тўловлари нндексация қилингани йўқ. Саноқсиз ва каррасига қимматлаштирилган ўғри лойиҳаларга пул бор. Олигархлар учун имтиёзларга пул бор. Маъносиздан маъносиз саммит, форум ва меҳмондорчиликлар учун пул бор. Кўз кўрдига қисқарган матрешка вазирликларга пул бор. Лекин пенсионерларга келганда бюджетда муаммо. Уларни фақат ёлғондакам имтиёзлар билан алдаб туриш мумкинми? Пенсионерларнинг пенсияси қачон ошади?