​Нархларнинг сунъий оширилишидан хавотирлар кескин ошган Апрель ойи якунларига кўра, аҳолининг инфляцион кутилмалари 14,1%ни (-0,3%), бизнеснинг кутилмалари 13,9%ни(-0,2%) ташкил этган. Инфляцион кутилмалар борасида энг пессимистик ҳудуд Бухоро. Бухорода 15,4% инфляция кутилмоқда. Қорақалпоғистонда эса бу борада анча юқори оптимизм бор: атига 12,4%лик нархлар ошиши кутилмалари шаклланган. Апрель ойи сўровларида яққол кўзга ташланадиган жиҳат аҳолининг хавотирларида нархларнинг сунъий оширилиши омили бирданига 22 бандга ошиб, 40 бандга етгани билан боғлиқ. Бу апрель ойида нархлар сунъий равишда ушлаб турилгани ва маъмурий йўл билан пасайтирилгани билан боғлиқми ёки бошқа ёпиқ ҳадикларми, бир нарса дейиш қийин. Аҳолининг ҳам, бизнеснинг ҳам инфляция билан боғлиқ энг асосий хавотирлари валюта курсининг ўзгариши ва иш ҳақи ва нафақаларнинг ошиши бўлиб қолмоқда. Эслатиб ўтамиз апрелда валюталар (доллар) курси деярли ўзгаришсиз қолган ва пенсия ва нафақалар 11 ойга чўзилган паузадан кейин 7%га индексация қилинганди.