​Расмий инфляция пасаяётгани фонида инфляцион кутилмалар ва сезгилар юқориламоқда Апрель ойи якунлари бўйича йиллик инфляция пасайиб, охирги 3 йилдаги минимумга етган бир даврда аҳоли ва бизнеснинг инфляцион кутилмалари юқорилаган. Хусусан, аҳолининг инфляция бўйича кутилмалари 16,6%га, бизнеснинг кутилмалари эса 16,9%га етган. Кутилмалар яқин 12 ойдаги баҳолашларни акс эттиради. Айни вақтда аҳолининг сезган инфляция 17,7%га, бизнес сезган инфляция 17,5%гача ошган. Сезилмалар ўтган 12 ойдаги сезгиларни қамраб олади. Қайд этиш жоизки, инфляция бўйича кутилмалар ҳам, сезилмалар ҳам 2020 йил ноябрь ойидан буён фақат пасайиб келаётган эди.