Сезилган инфляция ва инфляцион кутилмалар кескин пасайган: бизнесга оптимизм қайтдими? Август ойи якуни бўйича бизнеснинг сезган инфляцияси ва кутаётган инфляция даражаси жиддий тарзда ошиб кетган эди. Сентябрь якуни бўйича бунинг акси юз берган. Тадбиркорлик суъбектлари кутаётган инфляция ҳам, сезган инфляцияси ҳам 14,7%га пасайган. Бу охирги йиллардаги энг паст кўрсаткич. Кўрсаткичларнинг 2 ой ичида нега бунчалар қутбли ўзгаргани албатта қизиқ. Инфляцион кутилмаларнинг (15,8%) ва сезилган инфляциянинг (16,1%) пасайиши аҳоли респондентлари жавобларида ҳам қайд этилган.