Бизнеснинг инфляция бўйича кутилмалари ва сезилмалари ошишни бошлаган Регулятор сўрономаларига кўра, апрель ойидан буён илк марта тадбиркорларнинг инфляцион кутилмалари бирданига 1,1 фоиз бандига ошиб, 16%ни ташкил этган. Аҳолининг кутилмалари эса - ўзгаришсиз, 16,1% даражасида қолган. Сезилган инфляция бўйича ҳам бизнес 4 ойдан кейин яна пессимистик кайфиятга қайтган. Респондентлар август ойида 15,9%лик инфляцияни қайд этганлар, бу июлдагига нисбатан 0,9 фоиз бандига юқори. Қизиғи, аҳоли вакиллари инфляцияни 16,9%дан 16,4%гача пасайганини сезишганлар. Одатда инфляцион хатарларни бизнес аҳолидан кўра эртароқ ҳис этишни бошлайди. Кутилмаларда ҳам бизнес кўпроқ ахборотга эга бўлгани учун пессимистроқ бўлади. Таниш бир тадбиркорнинг сўзлари билан айтганда, бизнес аҳолига нисбатан камроқ алданади. Лекин май, июнь ва июль ойларида парадокс ҳолат - бизнеснинг аҳолидан кўра оптимистроқ бўлганини кузатиш мумкин эди.