“Биржада ҳажмни камайтириб, нархни сунъий кўтариш бошланди” Иқтибос биржа савдолари иштирокчиларининг дардларидан бири холос. Харидорнинг ёзишича, у биржа орқали бензин харид қиладиган нефтебаза таклифни 2 карра қисқартириб, таклиф нархларини кескин оширган. Айтиш керакки, талаб ошмасада, таклифни қисқартириб нархни ошириш биринчи марта эмас. Кечаги савдоларда биржада 92 лақабли K-2L маркали маҳаллий бензин сотув ҳажми 2 855,6 тоннадан 1 566,1 тоннагача қисқарган. Нархлар эса, тоннасига бирданига 589,3 минг сўмга, 13 506,8 минг сўмгача сакраган. Худди шунақа аҳвол, балки ундан-да аянчли вазият пропан савдолари билан боғлиқ. Савдолар ҳажми бирданига 1 320 тоннадан 336 тоннагача қисқарган. Бу нима дегани биласизми? Бу сунъий тақчиллик яратилгани, пропан савдосини бозор эмас, қип-қизил лоторея белгиламоқда дегани. Лотореяда ким пропан олишини ўртамчилар ва коррупционерлар ҳал қилади. Биржадаги энерготоварлар билан юз бераётган манипуляцияларни Энергетика вазирлиги ҳам, Антимонополия ҳам, бошқа органлар ҳам билади. Лекин чора ўлароқ ҳеч нарса қила олмайди. Балки ҳозирча.