49та туманда камбағаллик узил-кесил тугатилган Меҳнат ва камбағалликни қисқартириш вазирлиги маълумотларига кўра, 49та туман ва 3 429 маҳалла "камбағалликдан ҳоли" ҳудудга айланган. Вазирлик камбағаллик тугатилган туманлар ва маҳаллалар рўйхатини келтирмаган. Маълумот учун, Ўзбекистонда 175 туман ва вилоятга бўйсунувчи 31та шаҳар мавжуд. Маҳаллалар сони 8 992тани ташкил этади. Демак, туманларнинг 23,7%и, маҳаллаларнинг 38,1%ида камбағаллар энди йўқ. Камбағаллар тугатилган туман ва маҳаллаларда ва умуман, Республика бўйича йил бошидан буён Ижтимоий реестрдан чиқарилган фуқаролар сони ва уларнинг ҳозирги ижтимоий мавқеи ҳақида маълумотлар (агар мониторинг бўлса) келтирилмаган.