Бошимизга келган счетчик балоси ҳақида Қурбонов халқнинг бўйнига ёғилган шунча балоларга қўшилиб келган счетчик балоси ҳақида ёзаяпти. Айтмоқдаки, агар ўрнатилган электр счетчикда қизил чироқ, яъни Ogohlantirish ёниб турган бўлса, демак счетчик нотўғри ўрнатилган ва сиздан монополист ёмон истеъмолчи сифатида белгиланганидан ортиқ миқдорда пул ечмоқда. Тармоқда жуда кўплаб истеъмолчилар янги счетчиклар ўрнатилгач, электр сарфи кўрсаткичи каррасига ортиб кетганидан шикоят қилишади. Гап шундаки, демак агар счетчикда қизил чироқ ёниб турган бўлса, сизларнинг счетчикларингизни атайин шундайин ўрнатиб кетишган бўлиши мумкин. Иккинчи масала, эски счетчикдаги ҳақдорлик масаласи. Масалан, шахсан ўзим ҳам эски счетчик бўйича ҳақдор бўла туриб, ҳалигача ўша ҳақдорлик суммасини янги ҳисоб-китобларда акс эттира олганим йўқ. Счетчикни ўрнатишган ва кетишган, бўлди. Ҳисоб-китоб янгитдан бошланган. Аввалги олдиндан тўловлар гўёки куйиб кетгандек. Ҳеч ким инвентаризация ҳам ўтказмаган, солиштириб истеъмолчи ҳақини инобатга олмаган. Бундай ҳолатлар минглаб, ўн минглаб. Энди счетчиклар масаласида яна бир муҳим гап. Энергетика соҳаси бошида турган ва бир думалаб ислоҳотчига айланиб олишган силлиқ ЎҒРИлар мамлакат раҳбариятини энергетика соҳасидаги энг катта муаммо счетчиклар билан боғлиқ эканига ишонтиришган кўринади. Аслида энергетика соҳасида энг катта муаммо лойиҳалардан, кредитлардан ўғирланаётган миллиардлар, ўта лаёқатсиз менежмент, соҳада энг тепадан пастгача шаклланган коррупция. Йиллар давомида ҳисобсиз чайилаётган ва ўғирланаётган газ ва электрнинг аҳоли бўйнига илиниши - мана асосий муаммо қаерда эди! Энг шармандали жойи шуки, бу ўғрилар ҳатто счетчик ўрнатиш билан боғлиқ, агар тўғри йўлга қўйилса эзгу бўлган, вазифаниям ўғирлаш инструментига айлантириб олишгани. Четдан атайин қимматга олиб келинаётган счетчикларни ҳеч бир тендерсиз ўзимизники ёрлиғи билан тақдим этилаётгани бу аср афераси аслида. Ҳатто Гулнора Каримова ҳам ўғирлик фалсафасида бу даражага етмаган. Ҳа, уларга ҳозирги замонда қонун йўқ, лекин Гулнора Каримовага қарғиш етиб борганидек, счетчик балосини яратиб, миллиардларни ўзлаштираётганларгаям бир кун етиб боради қарғиш. Тавалло шу. @the_bakiroo