Учинчи локдаун энергетик локдаун бўладими? Совуқ тушиб, электр ва газ таъминотидан ёппасига ва циклик узилишлар бошлангач, магазинга кирсам ҳам, ошхона, мебель цехи, газ заправка, автоювиш шоҳобчасими, қаерга борсам, барчасидан биттагина саволга жавоб беришни сўраяпман. Қайси кулфат сизнинг фаолиятингизга кўпроқ зиён етказди ёки етказмоқда: Карантин чекловларими ёки электр-газ йўқлиги. Кўп ва узлуксиз энергияга муҳтож ғишт заводлари, цемент заводлари, иссиқхоналар, трикотаж, озиқ-овқат ишлаб чиқарувчиларгача етиб борганим йўқ. Ҳали қиш кириб келмади, олдинда аёзли 90 кун бизни кутмоқда. Бу кетишда бизнес, айниқса кредит қарздорлигига эга бизнес энергетикадаги узилишлар туфайли ҳам оғир аҳволга тушиб, қўшимча таътиллар сўрашни бошлаши ҳеч гап эмас. Инфляциянинг эса биз инобатга олмаган яна бир омили - энергетик етишмовчилик сабаб нархлар ошиши юзага келмоқда ва бу назаримда қишки ойларда жиловлаш қийин бўладиган энг катта номонетар хавф бўлади. @the_bakiroo