Юқоридаги мавзунинг давоми сифатида Марказий банк маълумотига кўра, 2020 йил 1 октябрга коммунал соҳага ажратилган кредитлар қолдиғи 3,6 трлн.сўмни ташкил этади. Ўтган йилнинг шу даврига нисбатан коммунал соҳага ажратилган кредитлар қолдиғи 1,8 баробар, 2020 йил йил бошидан эса 44%га ошган. Бошқача айтганда, карантин вақтида ҳам қора ўпқон ҳисобланган ва ҳокимларнинг чап чўнтагига айланган коммунал соҳага кредитларнинг йўналтирилиши бир дақиқа ҳам тўхтамаган. Коммунал соҳага ажратилган, "списать" қилинган кредитларнинг сифати тўғрисида расмий маълумотлар ҳеч қачон очиқ эълон қилинмайди. Чунки бу ҳолда бутун бошли расво ва таг-туги билан ўғирликка асосланган тизимнинг асл башараси намоён бўлиб қолади. Лекин, ишонинг, коммунал йўналишда молиялаштирилган биронта кредит сифати стандарт талабларга мутлақо жавоб бермайди. Дарвоқе, 2019 йилда Ҳукумат томонидан қабул қилинган тартибга кўра, ҳокимликнинг кафолати остида (босими остида деб ўқинг) уй-жой мулкдорлари ширкатлари берилган банк кредитлари ҳокимликлар томонидан қопланиши лозим. Амалда ҳали биронта ширкатнинг кредити ҳокимлик ҳисобидан қопланганига гувоҳ бўлингани йўқ. Баҳона тайин: коронакризис ва маблағ йўқ. 400 миллионлик Trailblazer олишга эса маблағ шу заҳоти топилади. P.S. Бу кетишда Юнусобод ва Қашқадарё тажрибасидан кейин яқин орада яна минглаб ширкатлар ёпилади, уларнинг триллионлаб кредитлари эса "списать" қилинади. Триллионлаб кредитларни ўзлаштирган нечта ҳоким жавобгарликка тортилади, деб ўйлайсиз? Кутинг. Кўрасиз. Спойлер: Ҳеч бир ҳоким жазоланмайди. @the_bakiroo