​Янги Ўзбекистон манзараси: Уйи бузилган аёл ва Trailblazer минган ҳоким "Бундан бир неча йил олдин аёл машаққат билан йиққан пулига туман марказидан ер сотиб олган. Амаллаб, яхшилар кўмаги билан ана шу ерга уй солиш учун пойдевор ҳам қурган. Аммо маълум вақт ўтиб, Иштихон тумани ҳокимлиги вакиллари аёлга бу ерда қурилиш қилиш мумкин эмаслигини айтган. Аёлнинг уй учун қурган пойдеворини махсус техника билан бузиб ташлашган." "Қизиғи, унинг қўлида шу жойни сотган одамнинг номига амалдаги ҳоким Шуҳрат Негматов томонидан берилган эгалик ҳуқуқини тасдиқловчи қарор бор. Олди-сотди шартномаси нотариус билан тасдиқланмаган бўлса-да, уйни сотган одам ёзма равишда бу олди-сотди ҳақида тилхат берган. Маҳалла ҳам буни тасдиқлаган. Аммо аёл пулидан ҳам, ердан ҳам ажралиб қолиб кетаверган. Ва биз гувоҳ бўлган шароитда яшашга мажбур". Улар ҳокимлик учун шунчаки «бошоғриқми»?