Қарздорлар кутилганидан яхшироқ натижа кўрсатаётгани ҳақида Пессимистик кутилмалар авжида бўлган ёз ойлари ва ҳатто кузда ҳам муаммоли кредитлар улуши ва ҳажмининг анча юқори бўлиши кутилганди. Амалда эса, тижорат банклари қарздорлари кутилганидан анча яхши натижаларни кўрсатмоқдалар. Ҳали 2020 йил якунлари бўйича натижалар эълон қилингани йўқ, лекин масалан 2020 йил 1 декабрь маълумотларига кўра, муаммоли кредитлар (NPL) ўтган ойлар улушда ҳам, суммада ҳам камайишни бошлаган. Муаммоли кредитлар қолдиғи 6 560 млрд.сўмгача (-42 млрд.сўм) камайган бўлса, улуши 2,5%гача (-0,1%) тушган. Банкларда йил якунлашнинг ўзига хос хусусиятлари ва қарздорларда йилдан йилдан қарз бўлиб ўтмаслик анъаналаридан келиб чиқилса, 2020 йил якунлари бўйича бу кўрсаткич 5 трлн.сўмгача, улушда эса 2,0%гача пасайиши мумкин. Посткарантин даври иш тажрибаси ва банклар қатор функцияларини, хусусан ёмон қарздорлар билан ишлаш манфаатдор аутсорсингга топшириш истиқболларидан келиб чиқилса, Ўзбекистон банк тизими учун коллекторлик ташкилотлари зарурияти янаям кўпроқ сезилиб қолмоқда. Дарвоқе, 2020 йил давлат дастурида ушбу вазифа - мамлакатда коллекторлик функцияларига эга хусусий ижро бюролари фаолиятига рухсат берилиши кўзда тутилган эди. Коллекторлик институтисиз тўлақонли ишлайдиган ва соғлом кредит бозорини йўлга қўйиш жуда қийин бўлишини инобатга олиб, балки регуляторимиз мавзуни яна кун тартибига олиб чиқиши лозим бўлар. Яна ким билади. @the_bankiroff