Сичқон инига сиғмайди, думига ғалвир боғлайди Ўзбекистон ва унинг самарасиз ва ўғирлик устига қурилган монополист давлат компанияларининг ҳаракатлари на иқтисодий ва на тижорий маънога эга. Газ қазишни кейинги ўн йилликда икки баробардан зиёд камайтирган монополист Ўзбекнефтегаз Тожикистонда COVID-19га чалинганлар учун касалхона қурар экан. Ўл дегани одам йўқ. Ўзинг чўнтак компаниялар билан пул ўзлаштириб, қудуқ қазиб ётибсан холос, газ йўқ, нефть йўқ. Қазиш учун 1 миллиард сарфласанг (ўзлаштирсанг, деб ўқинг), бу маблағнинг ярми даражасида самара йўқ. Нима бизнинг Раҳмоннинг оилавий корхонасига айланган Тожикистондан қарзимиз, еб қўйган жойимиз борми? Хўп, миллий компания экансан, пандемия вақтида тиббий ёрдамсиз қирилган Қорақалпоқлик, Қашқадарёлик ёки Бухоролик ватандошлар шифохонага муҳтож эмасми? Ижтимоий масъулият бўлса, газ ва нефть қазиб олинаётган шу ҳудудларга қурмайдими Ўзбекнефтегаз шифохонани? Яна булар нопрофиль активлардан ўзларини соқит қилиб, активларини тозалаяпти, яна ташқи қарз бозорига чиқмоқчи. Тожикистон учун қурилаётган шифохона тўлови ва товони учун, нима ўзбекистонлик истеъмолчи жавобгарми? Балки етар? Балки қисиброқ ҳаракатда бўлиш керакдир? Сичқон инига сиғмайди, думига ғалвир боғлайди - ўринли мақол. Лекин бу мақолнинг давомиям бор: Сичқоннинг ини минг тангага айланади. @the_bankiroff