​​Вакцина бозорида нима гап? Коронавирусга қарши вакциналар кутилганидан анча аввал - пандемияга ҳали бир йил бўлмасдан фойдаланишга топширилаётгани қувонарли ҳолат. Bloomberg ҳисоб-китобларига кўра, ҳозиргача 8,25 миллиард доза вакцина учун шартномалар имзоланган. Бир қараганда бу бутун дунё аҳолисига етадиган вакцина етказиб беришга келишилганини англатади, бироқ саноқли давлатларгина ўз аҳолисини бутунлай қоплашга етадиган ва ортадиган вакцина билан таъминлашга шартнома тузган. Қуйидаги харитада яшил, оч яшил ва оққа яқин ўта оч яшил рангда берилган давлатлар вакцина бўйича тузган шартномалари аҳолиси сонидан кўп. Бу борада биринчи ўринда Канада бўлиб, бутун аҳолисини 3 мартадан эмлашга етарли вакцинани кафолатлаган. Шунингдек, Буюк Британия 295%, Янги Зеландия 247%, Австралия 230%, Европа Иттифоқи 183%, АҚШ 169%, Чили 139%, Исроил 138%, Япония 120%, Мексика 119%, Ўзбекистон 110% аҳолисини таъминлашга етарли вакцина учун шартномалар тузган. Қолган ҳаммада 100% дан кам. Ҳиндистон жами 2,2 миллиард дозага шартнома тузган бўлса ҳам, фақат 1,2 миллиардини ўзи учун, қолганини қўшнилари учун олади (70 миллион дозалик шартномага эга Ўзбекистон ҳам шундай қилиши эҳтимоли бор). Йилига 1,5 миллиард дозага яқин вакцина ишлаб чиқариш қувватига эга Хитой ҳозирча 20% атрофидаги аҳолисини таъминлашга етарли вакцина олаётган бўлса, 600 мингдан ортиқ вакцина ишлаб чиқарувчи Россия ҳозирча фақат 55% аҳолиси эмланишини кафолатлаган. Бу икки давлат асосан экспорт учун ишламоқчи. @tashqaridaUZ