Чириётган Россия Илон Маскнинг глобал интернетини чекламоқчи, бизда қандай бўлади? Россия Давлат думаси Рождество таътилидан қайтиб биринчилардан бўлиб Сунъий йўлдош тармоқлари орқали тарқатиладиган интернет трафикларидан фойдаланишга қарши қонун қабул қиладиган кўринади. Халқ тилида "Starlink'га қарши қонун" номини олган бу лойиҳа амалга ошса, Илон Маск ваъда қилган глобал интернетдан фойдаланадиган россияликлар 1 млн.рублгача жаримага тортиладилар. Илон Маск интернетидан фойдаланиш ва тарқатиш учун Россия операторлари ФСБ ва ФСОдан рухсат олишлари, хусусан Starlinkнинг Россия ҳудудида айғоқчилик билан шуғулланмаслиги борасида хулосалари керак бўлади. Бизга нима дейишингиз мумкин. Тўғри, Россия чиришда давом этаётган бўлса, бизга нима? Лекин тобора бу исқирт ва ярамас давлатнинг пинжига кириб бораётган Ўзбекистон улардан намуна ва андозалар олишда давом этмоқда. Қўрқув шуки, эртага Starlinkни тақиқлаш бўйича Путин Россияси тажрибасидан шундай нусха олиб, мана халқаро тажриба дея бизда ҳам Маск интернети тақиқланиши мумкин. Умидларимиздан кўра қўрқувларимиз кўпроқ юз бераётгани эса бу эҳтимолни янада оширади. @the_bankiroff