​Хушнудбекнинг ёзишича, AKFA University "Тошкент Парранда" корхонасига тегишли мулкни босқичма-босқич сотиб олмоқда. Биринчи босқичда 10 гектар майдонда жойлашган мулк сотиб олинган. "Тошкент Парранда" товуқхоналарини бошқа ерга кўчириб бўлгач, мулкнинг қолган қисмини сотиб олиш бўйича икки томоннинг ўзаро келишуви мавжуд. "Тошкент Парранда" МЧЖ Ўзбекистондаги энг йирик паррандачилик фермаларидан бир ҳисобланади. Қибрай тумани Тўқайтепа поселкасида жойлашган. Google ҳаритаси орқали фабрика жойлашган ҳудуд ва унинг иншоотларини кўришингиз мумкин. Айтилишича, парранда фабрикасининг нотурар жой тоифасидаги кўчмас мулк объектларини сотиб олиш бўйича келишув Ўзбекистон қонунчилиги асосида расмийлаштирилган. Фабрика йиллар давомида банк кредитлари ҳисобига фаолият юритиб келган, бир неча марта бенефициарлари ўзгарган. Янги даврда ҳам йирик банк кредитлари орқали унинг фаолиятини аввалги миқёсга етказишга кўп уринишлар бўлган. Умид шуки, паррандачилик фабрикасини сотишдан тушган маблағлар банклар ва бошқа кредиторлар олдидаги қарздорликларни сўндириш учун етарли бўлади.