Регресс Ҳа, умуман олганда 2016 йил сентябрда ҳаммаси ёмон бошланмаганди. Жамиятнинг оғриқлари, дардлари, муаммолари ва хоҳишларини билиш учун ҳеч бир ишчан канал йўқ. Матбуот ўлган. Парламент нима деса шуни бажарадиган бир иловага айланган. Давлат ва фуқаро ўртасида икки томонлама алоқани таъминловчи канални зудтар таъминлаш керак. Шунда Бош вазирга/Президентга мурожаат деган портал пайдо бўлганди. Кейин портал вазирлик, ҳокимият органларининг муқобил алоқа каналлари билан тўлдирилди. Онлайндан ташқари ҳам мурожаат этиш имкони - Халқ қабулхоналари пайдо бўлди. Кейин тадбиркорларнинг арзи- додини эшитиш учун Бош вазир қабулхонаси ҳам яратилди. Пойтахтдан туманларгача. Ҳа, бошида бу тизим китоб ўқиган, Оврўпо кўрган ва аслида қандай бўлиши лозимлигини билганлар учун жуда эриш туюлганди, кўп мантиқсиз саволлар, шахсий илтимослар ва ғалати таклифлар ҳам тўлиб тошганди. Яхши гумондорлар билан умид қилингандики, бу вақтинча, ҳадемай нафас олишни бошлаган матбуот тирила бошлайди, янги сайловлар эркин бўлади, халқнинг иродасини ифодаловчи мустақил парламент шаклланади. Фуқаро ва ижро Ҳокимият ўртасидаги кўприк иккинчи ва тўртинчи ҳокимият яралиши билан қайта тикланади. Кейин биргалашиб, айни пайтда бир-бирини тийиб, ниятни ва мақсадни қўйиб учинчи ҳокимият - Судларни ҳам яратиб оламиз, деган орзулар бор эди Лекин.. Янги даврнинг бешинчи йилига келганда ўйловлар ва орзуларнинг ҳаммаси сароб экани ойдинлашди. Энди халқ билан уйма-уй юриб мулоқот қилишга киришилди. Ўнминг амалдор 35 миллион ўзбекистонликнинг муаммосини уйма-уй юриб, вагон қўйиб, контейнерда офис ясаб ҳал қилмоқда гўё. Албатта яна 300-400 йилда ҳаммага етиб боради навбат. Лекин одам бунча яшамайди, муаммо шунда. Тўрт йил деганда мукаммал эмас, бу бизнинг йўлимиз эмас, дейилган Онлайн мурожаат воситаларидан уйма-уй юриш сиёсатигача етиб келдик. Шунинг учун ҳам Онлайн қабуллар билан бошлаб контейнерларгача етиб келдик, деб хулоса ясамоқда Давлетов. Айтинг, айтинг, ишқилиб, шу ерда тўхтатишсин. Ортиғи энди регресс эмас, атавизм бўлади. @the_bankiroff